231778, Гродненская область, г.п. Большая Берестовица, ул.Советская,13
У рамках фестываля праваслаўнай культуры “Кладезь” у чытальнай зале філіяла “Дзіцячая бібліятэка” адбылася сустрэча педагога, інокіні Мінскага Свята – Елізавецінскага манастыра Нінай Загорскай з вучнямі 5 "Б" класа Вялікабераставіцкай сярэдняй школы на тэму “Сіла добрага слова”. У займальнай і даступнай форме інокіня размаўляла з дзецьмі аб духоўным жыцці і адказнасці чалавека за свае словы і ўчынкі, пра ўзаемаадносіны з бацькамі.
 |
 |
Напярэдадні Дня Перамогі, у рамках абласной акцыі "Летапіс вялікага подзвігу", супрацоўнікі філіяла “Дзіцячая бібліятэка” запрасілі вучняў 6 “В” класа Вялікабераставіцкай сярэдняй школы ў чытальную залу на патрыятычную гадзіну “Вялікая Айчынная: жыццё фронта і тыла”. Бібліятэкар расказала дзецям пра пачатак вайны і Дзень Перамогі, пра юных герояў Вялікай Айчыннай вайны, на долю якіх выпала мноства выпрабаванняў. Прагучала інфармацыя пра падзеі чэрвеня 1941 года на тэрыторыі Бераставіцкага раёна. Асобная старонка мерапрыемства была прысвечана трагічнаму лёсу Хатыні і спаленым вёскам Беларусі. Мерапрыемства суправаджалася песнямі: “Дзень Перамогі”, “Свяшчэнная вайна”, “Жураўлі”, “Дзеці вайны”, а таксама разам з дзецьмі бібліятэкар чытала вершы, прысвечаныя тэме вайны і Перамогі над фашызмам. Хлопчыкаў і дзяўчынак вельмі зацікавілі выданні ваеннай тэматыкі, прадстаўленыя на кніжна-ілюстрацыйнай выставе “Старонкі гэтых кніг - гісторыя вайны”. Вывучэнне гісторыі Вялікай Айчыннай вайны, захаванне памяці пра подзвіг беларускага народа маюць вялікае значэнне для патрыятычнага выхавання маладога пакалення Беларусі.
У філіале “Лішкаўская сельская бібліятэка” у рамках абласной акцыі "Летапіс вялікага подзвігу", прайшла гадзіна літаратурнага чытання – рэквіем пад назвай “Боль вайны адгукаецца ў сэрцах”. Да мерапрыемства была аформлена кніжная выстава “Праз горыч страт да Перамогі”, якая складалася з пяці паліц: “Славім вялікі подзвіг”, “Будзе вечнай аб героях памяць”, “А дзень той помніцца і зараз”, “Наш раён у гады Вялікай Айчыннй вайны”, “Беларускія пісьменнікі пра вайну”. На мерапрыемства былі запрошаны: старшыня Канюхоўскага сельскага Савета Яталь І.Б., начальнік пагранічнай заставы “Сяменаўка” Дайлідка В.С., а таксама юныя чытачы бібліятэкі, якія з задавальненнем ўдзельнічалі ў мерапрыемстве.
На базе філіяла “Алекшыцкая сельская бібліятэка” прайшло мерапрыемства прысвечанае тэме "Вялікая Айчынная вайна ў беларускай паэзіі і прозе". Была арганізавана кніжная выстава “Прачытай кнігу пра вайну”. Чыталіся вершы пра вайну, урыўкі з твораў В.Быкава, С.Алексіевіч, П. Панчанкі. Прысутныя прагледзелі дакументальны фільм “Мы помним. Дети – герои войны”.
Па традыцыі напярэдадні Дня Перамогі ў раённай бібліятэцы прайшоў Дзень інфармацыі “Подзвігу народа жыць у вяках”. Распачаў Дзень інфармацыі паэтычны марафон “Чытаем вершы аб Вялікай Айчыннай вайне!” у рамках абласной акцыі “Чытаем разам!”. На мерапрыемства запрасілі прадстаўнікоў дзяржаўных устаноў раёна і вучняў 9-х класаў сярэдняй школы. “Ніхто не забыты, нішто не забыта” – гэтымі словамі бібліятэкары пачалі паэтычны марафон і напомнілі прысутным аб тым, што гераічнае мінулае нашай краіны навекі застанецца ў народнай памяці. І гэта пацвярджаюць творы беларускіх пісьменнікаў і паэтаў. Дзякуючы пісьменнікам наша літаратура ішла дарогамі вайны, набліжала Перамогу. Палымянае мастацкае слова заклікала да барацьбы з фашызмам. Творы беларускіх пісьменнікаў – гэта апаленыя агнём сведкі вайны, гэта галасы, якім ніколі не змоўкнуць, як бы далёка не адышоў час. Дырэктар Бераставіцкага Музея вавёркі А.М. Галавач, першы сакратар раённай арганізацыі БРСМ І.А. Крывапляс, дырэктар раённай бібліятэкі Т.Д. Марцішэвіч разам з вучнямі прачыталі вершы і ўрыўкі з твораў беларускіх аўтараў, прысвечаныя Вялікай Айчыннай вайне. У іх выкананні прагучалі вершы А. Пысіна, Г. Бураўкіна, П. Панчанкі, А. Куляшова, П. Глебкі і многіх другіх і ўрыўкі з твораў В. Быкава, С. Алексіевіч, А. Карпюка і інш. Затым слова ўзяла бераставіцкая паэтэса Святлана Пракопік і прачытала свае вершы, прысвечаныя вайне. Усе прысутныя актыўна ўдзельнічалі у віктарыне па ваенных творах беларускіх пісьменнікаў і прадэмастравалі добрыя веды беларускай літаратуры.
Прадоўжыла Дзень інфармацыі гадзіна памяці “Шумела грозна пушча векавая...”, на якой бібліятэкар пазнаёміла прысутных са старонкамі гісторыі партызанскага руху на Бераставіччыне. Завяршыўся Дзень інфармацыі гістарычнай экспрэс-інфармацыяй “Палкаводцы Перамогі”, якую бібліятэкары падрыхтавалі і правялі для навучэнцаў сельскагаспадарчага ліцэя.
У межах абласной акцыі "Чытаем разам" у філіяле “Пагранічная сельская бібліятэка” прайшла гадзіна памяці “Пакуль мы памятаем, мы жывыя”.Чарговае мерапрыемства акцыі было прымеркавана да Дня Перамогі. На гэты раз прысутныя чыталі творы ваеннай тэматыкі на беларускай мове. На мерапрыемства былі запрошаны старшыня Пагранічнага сельскага Савета Козел І.І, намеснік старшыні СВК “Цецяроўка” Некала М.А. і вучні 4 класа Пагранічнай гімназіі з класным кіраўніком Конік Л.В. Да мерапрыемства была аформлена кніжная выстава “Гераізм, трагедыя, памяць”, дзе наведвальнікі маглі пазнаёміцца з выданнямі аб Вялікай Айчыннай вайне.
 |
 |
